Welkomstbreef in ’t Achterhooks deur onze burgemeester verstuurd naor elke pasgeborene

Elken dag wodt der ni-je inwoners geboren in onze prachtege gemeente. Daor bu’w heel bli-j met.

Het CDA probeert te zorgen veur een mooi Deutekem waorin onze ni-je inwoners op könt greujen. Onze blik is gericht op de toekomst. Goeie scholen, veileg verkeer, een fijne laefumgeving, een broezende binnenstad en verenegingslaeven bunt dan veurbeelden van zaken wao’w bi-jzundere andach veur hebt. Naost de toekomst he’w ok andach veur ons verleden.

Deutekem is onderdeel van de Achterhook, de mooiste streek van Nederland en een plek met een eigen taal. Die spraoke wille wi-j geerne laevend hollen, ok bi-j onze ni-je inwoners. Op verzeuk van ’t CDA, via een motie den de gemeenteraod in 2019 hef an-enommen, wodt daorumme vanaf no een welkomstbreef in ’t Achterhooks deur onze burgemeester verstuurd naor elke pasgeborene,  um daormet een eerste kennesmaking te geven met onze streektaal.

Image: Pexels