Windjse Windjbuujel uitgereikt aan Sjaak Selen
![](https://s.cda.nl/Afdelingen/Limburg/Beesel/windjsewindjbuujelSjaak.png)
Sjaak Selen waerde, in elk geval volges de meist recente ledeliest, in 1989 lid van ut CDA in os gemeinte. Destieds ut CDA waovan Brous Franssen zaliger de veurzitter waas en wao in de raod onger angere Gerard Ligthart en Johanna van Dijk zoote, euverigens zien det twiej name van miense die Sjaak veurginge as Windse Windjbuujelhaajer.
Mer Sjaak begos gewuun as lid biej die club, ein logische keuze veur um, auch ein aantal angere collega boere ware lid van dees partiej, en de kleure van ein betrokken middenpartiej sjloote good aan biej de maatsjappelike betrokkenheid van Sjaak.
De miense biej ut CDA typeren Sjaak op de ierste plaats veural om zien geweldige samen bindende kracht. Sjaak zal de persuunlikke relatie altied good haaje, is nao ein vergadering altied ein van de letste om nao hoes te gaon en, omdat dr die persunelike relatie belangriek vinjt sjluut dr altied aaf met twiej zinne, dankzij Wim Rovers, Eks Prins Wim de Ierste, blief braaf hè en as twiede zin kenne versjille mer is in de trant van de groetjes aan dien maedje, of de groetjes aan dien menke, of de groetjes aan pap en mam.
Det dr zoevuul versjillende opties zien om de groetjes nog aan te doon haet auch te make met ein anger kenmerk van Sjaak, hae kent namelik ontzettend vuul miense, mer kent die miense auch echt oprecht en wet auch als dao get sjpeelt of aan de hand is.
Daodoor weite auch vuul miense det ze biej Sjaak terech kenne met heur zorge. Sjaak loestert, geuft signale door, of as UT efkes ken geit zelf aan de sjlaag.
In 1998 waerde Sjaak names ut CDA gekaoze in de gemeinteraod en begos aan ein periode als volksvertegenwoordiger veur de gemeinte Beesel. Hoewel dr neet perse eemus waas veur de formele vergaderingen, leet en luut Sjaak nog altied duidelijk waal weite wao dr veur steit. Zoe as gezag, neet op de persoen, mer waal op de zaak. En dao in zal dr miense auch zeker aanspraeke op huer verantwoordelijkheden. Hae dreijt dr gen deukskes om haer, en ken den auch standvastig zien meining neerzette.
In 2002 nao die periode as raodslid, Braus Franssen waas euverleeje en Jack Reijnen waas tiedelik waarnimmend partiejveurzitter, noom Sjaak det stekske euver.
Daomeij kreeg Sjaak veur os CDA ein rol die um op ut lief gesjraeve is. Namelik ein rol wao in zien gave om met miense om te gaon, zien gave om miense te verbinje aan elkaar optimaal benut wuurd.
Ut hoofde veur Sjaak neet per se in de actieve gemeinte politiek, mer die rol as aafdeilingsveurzitter geit um gewuun keij good aaf. Al is ut vanaaf zien begin best ein opgave om lokaal de club levendig te haaje en om auch regionaal en provinciaal biej te drage om de zelfstandige gemeinte Beesel good op de kaart te haaje. Auch achter de sjermen.
Ut samenspel met beveurbild Frans Heldens, destieds wethaajer, in de periode 2007/2008 om de lobby te veure om os gemeintebestuur op ein goeie wieze te beoordeile. Mede dankzij dae inzet waerde dr veur gezorgd det veur ein gunstige oetkomst in de ganse herindeilingsdiscussies krege.
En dao is Sjaak toet op de daag van vandaag zeer trots op, det veur die zelfstandige gemeinte Beesel zien.
Sjaak names ut CDA proficiat met dees sjoeëne erkenning as Windjse Windjbuujelhaajer