Veurzitter,
man man wat n boudel ‘t is weer meert moand en net as andermoal kommen dij wichter van de daaier met motie vrumd aan de orde. Das goud om te zain dat minsken zo stief tegen hun aigen affeer aan zitten. Ik zal mien best doun om rusteg te proaten, want nait elk en ain is mien moekestoal machteg. En as ie t nait begriepen, der stoan van dij proatstokken, dij bruukt kinnen worden om vroagen te stellen.
Veurzitter,
Voelnis op stroat, voelnis in t wotter, voelnis int boerenlaand en zulfs veurzitter voelnis int vreten van de daaier. Een gaans mit plastic strop om de nek, t is nait best! Dus der mout wat gebeuren.
Wie soezen de minsen van de flessen en de blikken febriek nou al joaren aan de kop, dat ze dit mouten aanpakken. En doar zit gain schot in. Mörgen gait de de Twaide Koamer doar nogmoals over in de slag mit Stoatssecretoares. En zo as berichten in t nijsblad van t Westen binnen, gait dij stoatssecretaoares wiederom mit halfbakken aanpak kommen. Wiederom twij joar de tied, om dit aan te pakken. Dus een stok achter de deure om aine een oplawaaier te kinnen geven is wel neudig.
Das din ook wat ons aangait de strekken van de motie. In de publieke opinie bliekt wel dat wie mit apmoal van mainen binnen dat der wat mout gebeuren, en dat vinden wie van t CDA ook!
Dus wie schroagen dizze motie veurzitter en doar komt vanzelfsprekend nog wat bie. Wie motten ons zulf en mekander goud daip in d’ogen kieken. Ik main doar mit te zeggen: ’t is altijd n aander, dij t spul weg smiet. Mor n beter milieu, begunt bie joe zulf.
T het mooi west veurzitter, dit waast.
